Anuncios de Actividade Municipal

Campaña de esquí 2015 da Deputación da Coruña

A Deputación da Coruña, coa colaboración do Concello de Culleredo, convoca a súa campaña de esquí para 2015. A actividade terá lugar en Manzaneda, do 13 ao 15 de febreiro.

Campamento de Nadal do Concello de Culleredo

O Concello de Culleredo aposta de novo por proporcionar aos veciños unha alternativa de lecer infantil durante as vacacións escolares de Nadal. O Burgo acollerá un campamento urbano do 22 de decembro ao 7 de xaneiro, fóra de fins de semana, festivos e 24 e 31, dirixido a nenos e nenas de 3 a 12 anos de idade.

Programación infantil outubro - decembro

O Concello de Culleredo ofrece unha ampla programación infantil na Biblioteca de Vilaboa. Contacontos, contos en inglés, obradoiros e biblioxogos conforman a programación.

Tramitación do DNI en Culleredo

As vindeiras datas previstas para a tramitación do DNI no Concello de Culleredo son o 17 e 18 novembro, en horario de 9:00 a 12:30 horas, nas oficinas municipais de Vilaboa, sitas no Pazo Villa Melania.

Actividades para adultos na Biblioteca Municipal de Vilaboa

O Concello de Culleredo acaba de lanzar a programación para adultos nas bibliotecas municipais. A Biblioteca "Xosé Cardeso Liñares", situada en Vilaboa, acolle desde este mes diferentes actividades relacionadas coa literatura, destinadas para veciños desde os 18 anos de idade.

Obradoiro de lingua de signos, nivel de perfeccionamento

O Concello de Culleredo organiza un taller, en nivel de perfeccionamento, de lingua de signos. Para asistir é necesario acreditar que se posúe nivel básico. A formación terá lugar en Vilaboa, no pazo de Vila Melania, desde 13 de outubro ao 1 de decembro.

Actividades educativas municipais 2014-2015

O Concello de Culleredo lanza varios programas educativos para este curso: aulas de reforzo escolar, clases de apoio para preparar as probas libres coas que se pode obter o título de graduado en Educación Secundaria Obrigatoria (ESO), e a Escola de Nais e Pais.

Admitidos/as nas actividades de benestar social do Concello

Publicación das listaxes de admitidos/as nas actividades de benestar social do Concello para o período de outubro de 2014 ata xuño de 2015.

Programa de actividades de cultura e deporte 2014/2015

O goberno de Culleredo incrementa notablemente o seu programa de actividades culturais e deportivas. Máis de 1.500 prazas conforman a oferta do Concello, con aumento de grupos naquelas actividades que rexistran unha maior demanda.

Programa de actividades de benestar para a tempada 2014/2015

O Concello presenta un amplo programa de actividades de benestar con 34 grupos, en diferentes horarios, e distintos centros sociais da zona urbana e tamén da rural.

Solicitude de uso das polideportivas municipais para a tempada 14-15

O Concello de Culleredo convoca o uso dos polideportivos municipais para a tempada 201-2015. O prazo queda aberto atá o vindeiro 19 de setembro. Os interesados poden dirixirse á Concellaría de Deportes no 981 665 597 ou en deportes@culleredo.org.

Plan de formación 2014 para personas desempregadas

O Concello de Culleredo lanza un amplo plan de formación incrementar a capacitación e así promover a inserción laboral de veciños que se atopen en situación de desemprego.O programa conta con 289 horas e 148 prazas en modalidades elixidas segundo as necesidades do mercado laboral. Inscrición do 1 ao 5 de setembro.

Programación para maiores ata decembro de 2014

O Concello de Culleredo lanza programación de actividades para maiores prevista para o que queda de ano, configurada en función das suxestións recibidas dos propios maiores.

Programación infantil para o mes de agosto

O Concello de Culleredo lanza unha ampla programación infantil para o mes de agosto. Haberá actividades tanto na Biblioteca de Vilaboa como no centro social do Burgo. Os pequenos poderán gozar de diferentes obradoiros, adaptados aos diferentes rangos de idade.

Cursos de apoio para a preparación das competencias clave 2015

Dende a Concellería de Promoción Económica, Formación e Emprego do Concello de Culleredo vanse levar a cabo accións de formación co obxecto de servir de apoio na preparación das competencias clave para acceder aos certificados de profesionalidade de nivel 2 de cualificación profesional para o emprego.

Programación infantil da Biblioteca para marzo

Obradoiros de contos, contacontos ou biblioxogos conforman a programación da biblioteca municipal para o ms de marzo. As actividades teñen lugar en Villa Melania (Vilaboa).

Obradoiro de bonsais na Aula de Natureza do Burgo

A asociación cultural Bonsai Coruña e o Concello de Culleredo abren o prazo de inscrición para o curso de coidado de bonsáis que se celebrará na aula de Natureza do Burgo o próximo mes de marzo.

Actividades do Entroido 2015 do Concello de Culleredo

O Concello de Culleredo presenta un novo programa de Entroido que busca dar resposta aos intereses dos veciños de todas as idades. A celebración do Entroido de Culleredo terá unha tripla vertente: para nenos, para maiores e a tradicional Romaría de San Blas en Veiga, coa esperada lectura do testamento.

Sorteo de prazas para a campaña de esquí

O Concello de Culleredo informa de que o sorteo público para a adxudicación das prazas da campaña de esquí,organizada pola Deputación da Coruña, terá lugar o luns 29 de decembro.

Cursos do Clube de Natación As Mariñas en agosto

O Clube de Natación As Mariñas celebra en agosto cursos intensivos de natación. Serán no parque acuático de Acea de Ama , contando coa colaboración do Concello de Culleredo.

Teléfonos de interés

  • Ayuntamiento981.677.777
  • A Escada981.664.452
  • C.F.Pablo Picasso981.664.204
  • Centro de información a las mujeres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociales de O Burgo981.654.570
  • Servizos sociales de Vilaboa981.660.079
  • Villa Melania981.650.077

Sí­guenos en Twitter

Envíanos tus dudas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina