O Mercado Templario celebrarase no Paseo Marítimo do Burgo entre os días 4 e 7 de xullo. 

O Burgojazz celebrarase do 5 ao 8 de xullo no Xardín Botánico da ría do Burgo.

Despois do éxito da tempada pasada, a UDJ Almeiras repite e organiza no campo de fútbol dos Loureiros, xunto ao polideportivo e ao parque público, un campus de verán para nenos e nenas nacidos entre os anos 2006 e 2015.

Será unha semana de actividades donde o club quere amosar a súa filosofía no fútbol base, unha idea basada nunha metodoloxía de ensinanza-aprendizaxe de calidade para os nenos e nenas.

Dentro das actividades que se realizarán, terán lugar as de primeiros auxilios, xogos tradicionais, xogos de auga, deportes de raqueta e, ademais do fútbol, os rapaces e rapazas poderán practicar baloncesto, balonmán ou bádminton.

Os prezos oscilan entre os 30 euros para os socios, e os 40 euros para as persoas que non o sexan, cun desconto do 20% a partir do segundo fillo. Está incluída unha equipación deportiva e o seguro de accidentes e responsabilidade civil.

Adxuntamos o arquivo .pdf con toda a documentación.

O día 8 de xullo comeza o obradoiro 'Quero ser youtuber'. Terá lugar os luns, os mércores e os venres, en horario de 11:00 a 13:00 horas no centro cívico Virginia Blanco, de Fonteculler.

Queres anotarte? Adxuntamos o arquivo do formulario nesta nova. Descárgao e entrégao por mail á dirección cipax@culleredo.es, mandar un whatsapp cos teus datos ao número 620 008 450 ou achegarte ao Edificio Municipal Pablo Picasso, en horario de 10:00 a 14:00 horas, de luns a venres. 

Esta actividade prolongarase ata o 19 de xullo. 

O xoves 4 de xullo inaugurarase, ás 20:00 horas, a exposición de actividades culturais municipais do curso 2018-2019 na Aula de Natureza "Juan Lembeye", do Xardín Botánico do Burgo.

Poderedes visitala ata o 20 de xullo, de luns a venres en horario de 18:00 a 21:00 horas, e os sábados de 11:00 a 13:00 horas pola mañá, e de 18:00 a 21:00 horas pola tarde.

O mércores 3 de xullo terá lugar un obradoiro de globoflexia, ás 11:30 horas na Biblioteca do Burgo.

Para nenas e nenos entre 6 e 12 anos; máis pequenos terán que ir acompañados dun adulto.

Inscripción previa na biblioteca, cun máximo de 25 persoas. 

Con motivo do 28 de xuño “día da diversidade sexual”, desde a área de Benestar Social, Educación e Políticas de Igualdade da Deputación da Coruña
impúlsase a campaña Liberdade de ser e sentir!, para sensibilizar sobre a importancia da tolerancia e a igualdade das persoas independentemente da súa orientación sexual e identidade de xénero.

A Campaña xa comezou e circula polas redes co cancelo #seresentir. A imaxe escollida para esta edición está baseada nunha estética graffiti como elemento
reivindicativo por excelencia, sinónimo de liberdade e libre pensamento, conceptos moi vinculados coa Campaña. O lema “liberdade de ser e sentir!” quere ser un berro para reivindicar o dereito á liberdade sexual e á tolerancia das persoas.

Culleredo participa xunto con otros 38 municipios da provincia.  Contémplanse dentro da campaña a posta en marcha de accións dirixidas a xerar na sociedade, especialmente na mocidade, valores como a tolerancia e a igualdade das persoas gais, lesbianas, bisexuais, transexuais, queer e intersexuais, co fin de naturalizar e sensibilizar á sociedade sobre as diversidades sexuais e visibilizar á comunidade LGTBQI+.

No marco desta campaña, os días 26 e 27 de xuño desenvolveranse diferentes actividades na cidade da Coruña. Por unha banda, 2 performances a cargo do colectivo Somos Lag. A primeira delas realizarase ás 18.00 horas fronte ao antigo Cine París e a segunda será as 19:00 horas nos xardíns existentes fronte a Autoridade Portuaria. Por outra banda, o 27 de xuño ás 20:00 horas haberá un concerto do grupo The Tetas’ Van no Hall do Teatro Colón.

Os campamentos deportivos 2019 da Deputación da Coruña están destinados a rapazas e rapaces entre 9 e 14 anos, sempre que os cumprisen no presente 2019.

Terán preferencia os rapaces empadroados en Culleredo e aqueles que non tiveran participado en ningunha campaña anterior. A terceira quenda de inscrición vai do 19 ao 26 de xuño, e o número de prazas dispoñibles son 8. 

Poderase realizar no rexistro xeral do Concello, de luns a venres en horario de 9:00 a 14:00 horas. Tamén no rexistro auxiliar do Concello (Edificio de Servizos Múltiples), no mesmo horario, e en calqueira outra rexistro establecido na lei 39/2015, do 1 de outubro. 

Para máis información, podedes chamar ao número 981 66 55 97, contactar mediante correo electrónico ao enderezo deportes@culleredo.es ou consultar os directorios www.dicoruna.es e www.culleredo.es. 

Este xoves día 20 de xuño ás 19:30 horas terá lugar a reunión coas familias participantes no programa municipal de 'Mañás de campamento 2019'.

O lugar no que se celebrará a xuntanza será o salón de actos do Edificio de Servizos Múltiples.

Todos os inscritos e inscritas nos Campamentos de verán alternativos do Concello de Culleredo están admitidos. Mentres tanto, no Campamento H2O, como hai máis inscritos que prazas, realizase un sorteo de maneira pública o vindeiro mércores 19 de xuño ás 12:00 horas, no Centro Municipal Pablo Picasso.