O Concello de Culleredo fará efectivo o reparto de 30.000 máscaras sanitarias para escolares, asociacións, entidades deportivas federadas e colectivos máis vulnerables do municipio.

Ante a incidencia da COVID-19 no municipio, desde o goberno local decidiuse facilitar este material de protección, e ademais serán reutilizables.

Esta mesma mañá coñecíase a noticia de que o municipio cullerdense pasaba a alerta vermella tras as probas PCR realizadas no últimos sete días. Isto quere dicir que hai máis de 21 casos activos por coronavirus no termo municipal a esta data, xoves 29 de outubro.

O goberno local decidiu pasar á acción, aínda non tendo competencia na materia, decidindo establecer de novo este mecanismo de actuación ante esta nova onda de contaxios.

A metade destinaranse aos escolares

Desde o Concello destinaranse ao redor de 15.000 máscaras sanitarias para os escolares do municipio, enfocadas primordialmente para alumnado de Primaria e Secundaria.