Desde o Concello de Culleredo plantexámosvos esta serie de propostas de lecer para levar mellor este confinamento.

CONTOS: Kalandraka TV incrementou a súa actividade durante o confinamento coa sección Contos contados, onde podemos gozar dos contos máis coñecidos da editorial contados polos mellores contadores. Están os vosos favoritos? Os nosos si!

LIBROS: A libraría Pedreira organizou para a semana do Libro o evento 'Lecturas Fuxidas' no que unha chea de autoras comparten fragmentos das súas propias obras ou da súas lecturas preferidas. Participan no evento Gonzalo Hermo, María Solar, Antía Yáñez ou Iolanda Zúñiga, entre outras.

TERTULIA: Novas formas de facer tertulia literaria nestes tempos: Berta Dávila, a autora de Carrusel e O derradeiro libro de Emma Olsen, responde neste vídeo ás preguntas que os seus lectores lle fixeron chegar a través de diferentes redes sociais co cancelo #cafeconcabaliños. 

CÓMIC: O Salón do Libro Infantil e Xuvenil de Pontevedra celebrouse este ano na rede e entre os seus moitos e interesantes contidos destacamos este obradoiro de banda deseñada para nenas e nenos da man do debuxante Kiko da Silva e da súa personaxe Fiz, o neno máis porco do mundo.

MÚSICA: Deixounos esta semana Esteban Yáñez, activista cultural, alma da Internet galega e, antes de todo, amigo. Foi tamén un dos pioneiros dos podcast en Galicia, e é precisamente o seu Amor en bruto o que rescatamos aquí a modo de pequena homenaxe a alguén tan grande.