Do 22 de decembro ao 5 de xaneiro os mozos e mozas de Culleredo con idades comprendidas entre os 3 e os 12 anos poderán gozar dos Campamentos Recíclate no Nadal, que terán lugar no CEIP Isaac Díaz Pardo.

Os días de campamento serán o 22, 27, 28 e 29 de decembro e o 2, 3, 4 e 5 de xaneiro. Hai 80 prazas dispoñibles e o prazo para anotarse vai desde o 27 de novembro ata o 5 de decembro no Edificio de Servizos Múltiples do Burgo de luns a venres en horario de 9 a 14 horas.

De 9 a 14 horas, as nenas e os nenos levarán a cabo diferentes obradoiros nos que verán distintas maneiras de crear obras de arte e os seus propios xoguetes a través da reciclaxe de obxectos cotiás, para así poder reducir, reciclar e reutilizar. Coñecerán tamén á nova mascota de Culleredo, a garza Esperanza, que axudará a facer da Terra un mundo mellor.

O prezo para os empadroados, que terán preferencia, é de 42 euros e para os non empadroados serán 84 euros. Ademais, os que o desexen poderán contratar un servizo de almorzo e xantar.

Haberá unha reunión informativa o 13 de decembro ás 20 horas no Edificio de Servizos Múltiples.

Descarga o boletín de inscrición e o documento para solicitar almorzo e xantar: