O paseo marítimo do Burgo acolle xa as obras de creación do carril bici metropolitano

As obras de creación do carril bici metropolitano acaban de chegar ao paseo marítimo do Burgo. Tras comezar na avenida de Ribados, o Concello prosegue os traballos xunto á ponte romana para crear un novo tramo que una o xa existente coa senda fluvial do río Mero en Cambre.
 
As máquinas están a traballar neste tramo, denominado paseo de Os Templarios, creando o carril en paralelo á ría. Xéranse aquí 1,4 km de carril bici, que pasará por baixo da AP-9 ata chegar ao municipio lindeiro. Os operarios traballan agora na preparación da plataforma. Daquela este tramo pavimentarase e terá bordos de formigón.
 
Outro dos puntos de Culleredo onde xa se iniciaron os traballos é na conexión do carril do paseo Tierno Galván co do paseo do río Trabe, na zona do campo de fútbol do Burgo. Para iso ampliarase a plataforma na avenida de Ribados, levará o carril por baixo da autoestrada na avenida de Rutis e enlazarase co paseo do Trabe por detrás das obras de construción do novo CEIP. Desta forma evítase o ter que utilizar o paso estreito xunto ao CEIP Isaac Díaz Pardo, polo que a seguridade viaria verase notablemente incrementada.
 
Finalmente, empregaranse as pontes peonís para conectar a senda do paseo marítimo do Burgo coa do paseo Tierno Galván. As pontes irán debidamente sinalizadas para informar desta convivencia.
 
No conxunto do carril bici colocarase sinalización horizontal e vertical adecuada para a súa identificación e garantir a continuidade.
 
O obxectivo do proxecto é remozar a rede actual de sendas ciclistas do municipio e interconectalas tanto entre si como coa xa existente en Cambre, dando continuidade ao carril a nivel da comarca. En canto á conexión coa Coruña, o carril bici no paseo marítimo xa está preparado para ser enlazado de forma automática.
 
A actuación supoñerá así mesmo un incremento do espazo para bicicletas de 2,4 km, alcanzando un total de 8,3 km entre Fonteculler, Vilaboa e O Burgo. As obras do carril bici metropolitano, na súa fase de Culleredo, supoñen un investimento de 204.492 euros, tras a adxudicación da actuación, financiada pola Deputación da Coruña.
 
O primeiro tenente de alcalde, José Ramón Rioboo, explica que a prolongación do carril bici de Culleredo cara A Coruña e Cambre é un proxecto "moi esperado" polos centos de usuarios diarios que ten o paseo marítimo do Burgo. "En Culleredo xa se poden gozar de moitos quilómetros de carril bici pero con este proxecto supramunicipal darase un paso máis ao propiciar a mobilidade con outros municipios", sinala.
 
Rioboo destaca a implicación das administración para a "imprescindible continuidade do carril de Culleredo na área metropolitana". 
 

Sede electrónica

Trámites en linea, tablón oficial, carpeta ciudadana...

 

Canal Culleredo

Emisiones en directo y material audiovisual.

 

Teléfonos de interés

  • Ayuntamiento981.677.777
  • A Escada981.664.452
  • C.F.Pablo Picasso981.664.204
  • Centro de información a las mujeres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociales de O Burgo981.654.570
  • Servizos sociales de Vilaboa981.660.079
  • Villa Melania981.650.077

Sí­guenos en Twitter

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina