ES / GL

O Concello organiza a VI Carreira pola Ría do Burgo o 14 de maio

4 Mayo, 2017. 18:48

Deportes

O paseo marítimo do Burgo será escenario o próximo 14 de maio da VI Carreira pola Ría do Burgo, cita que cada ano acolle a un maior número de runners de toda Galicia. A proba, organizada polo Concello de Culleredo, está incluída no circuíto de carreiras populares da Deputación da Coruña e conta coa colaboración da Federación Galega de Atletismo.

O Concello abriu no día de hoxe a inscrición para a carreira. Permanecerá aberta ata o mércores 10 de maio na web www.carreirasgalegas.com.

Como vén sendo habitual, a proba contará con distintas categorías para fomentar a participación da cidadanía. A categoría absoluta constará dun percorrido de 10 quilómetros pola zona verde do paseo do Burgo, unha da maiores da área metropolitana.

Para menores haberá categorías de xuvenil, cadete, e infantil, cun trazado de 2 quilómetros, e alevín e benxamín, dun quilómetro. Tamén haberá unha carreira simbólica para os máis pequenos, xa sen clasificación.

A medición de tempos levará a cabo mediante chips nos dorsais que se poderán recoller previamente. Haberá avituallamentos ao final e en metade da carreira.