O Concello impulsa a contratación de obras por 937.000 euros

O Concello de Culleredo celebrou unha mesa de contratación cun elevado número de proxectos en tramitación. En concreto, o Concello avanzou na contratación de obras por un montante total de 937.748,07 euros.

Foron un total de oito actuacións as tratadas pola mesa de contratación. Delas, tres foron adxudicadas e agora procederase á firma do contrato para o inicio dos traballos: o acondicionamento do polideportivo de Vilaboa, a mellora da praza Castelao en Fonteculler e a pavimentación do núcleo do Vilacho, en Celas.

O polideportivo de Vilaboa está situado no CEIP Sofía Casanova,  polo que serve tanto para o docencia como para acoller programas municipais e de asociacións. O proxecto consistirá na mellora de diversos elementos do polideportivo, como a cuberta e as instalacións de recollida de pluviais, para evitar filtracións de auga, e os vestiarios para mellorar as prestacións aos usuarios.

A praza Daniel Rodríguez Castelao experimentará un importante lavado de cara. Renovarase o parque infantil, colocando chan de caucho de tipo continuo, repararanse os bancos, bordos e os valos, colocaranse papeleiras, instalarase nova iluminación LED, e efectuarase unha limpeza con hidrolavadora a presión, entre outras cousas.

A pavimentación do Vilacho é unha demanda trasladada polos veciños ao equipo de goberno. Co paso do tempo e o uso o firme foise deteriorando polo que os traballos consistirán no asfaltado con rega de alcatrán da rede viaria do núcleo. Limparanse así mesmo as cunetas e efectuarase a posta a cota das tapas así como o pintado da sinalización horizontal.

Ademais, na mesa abríronse os sobres das ofertas económicas de tres actuacións, que quedarán adxudicadas esta semana: a mellora da iluminación no paseo marítimo e en Castelo, a reforma das naves municipais, e a renovación da rede de auga potable en varios puntos do municipio.

Finalmente, abríronse os sobres das ofertas da pavimentación entre Orro e A Zapateira, a mellora do firme en Voces Ceives e Ría dá Cova, e a instalación de cubertas e renovación do parque infantil de Ledoño.

As actuacións contan coa cofinanciación da Deputación da Coruña.

Sede electrónica

Trámites en linea, tablón oficial, carpeta ciudadana...

 

Canal Culleredo

Emisiones en directo y material audiovisual.

 

Teléfonos de interés

  • Ayuntamiento981.677.777
  • A Escada981.664.452
  • C.F.Pablo Picasso981.664.204
  • Centro de información a las mujeres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociales de O Burgo981.654.570
  • Servizos sociales de Vilaboa981.660.079
  • Villa Melania981.650.077

Sí­guenos en Twitter

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina