O parque infantil de Ledoño será o segundo cuberto do municipio

O Concello de Culleredo publica a licitación da obra para obter o segundo parque infantil cuberto do municipio. A iniciativa probada no parque da Corveira está a ser satisfactoria, ao permitir incrementar o uso da instalación infantil, e por iso o goberno municipal aposta agora por cubrir o de Ledoño, que ademais será modernizado.
 
A cuberta abarcará toda a extensión do parque, cunha superficie de 149 metros cadrados. Terá estrutura metálica con alicerces redondos e pórticos curvados, e o teito será de placa de policarbonato. Irá no seu conxunto pintado en varias cores, un deseño acorde coa súa utilización infantil.
 
O proxecto inclúe así mesmo a substitución do chan actual, de area, por un de caucho de tipo continuo. Este favorece a mobilidade e a seguridade. En canto aos xogos, prevese a instalación de dous novos xogos e a restauración dos restantes.
 
A actuación conta cun orzamento de licitación de 95.442,37 euros. Está incluída no Plan de Aforro e Investimento da Deputación da Coruña.
 
O alcalde de Culleredo, Julio Sacristán, explica que a elección deste parque para a instalación de cuberta responde a que dá servizo tanto aos veciños como á escola unitaria, situada a escasos metros, onde reciben clase pequenos da parroquia que aproveitan o parque no recreo. A cuberta propiciará o emprego dos xogos aínda en xornadas de choiva, algo frecuente durante o ano.
 
As obras de mellora na rede de parques infantís serán as máis repetidas e cuantiosas no que queda de ano. O Concello de Culleredo, a través dos orzamentos municipais e de distintos plans de obras cofinanciados pola Deputación da Coruña, ten previsto investir nos parques infantís un total de 633.895,42 euros.

Sede electrónica

Trámites en linea, tablón oficial, carpeta ciudadana...

 

Canal Culleredo

Emisiones en directo y material audiovisual.

 

Teléfonos de interés

  • Ayuntamiento981.677.777
  • A Escada981.664.452
  • C.F.Pablo Picasso981.664.204
  • Centro de información a las mujeres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociales de O Burgo981.654.570
  • Servizos sociales de Vilaboa981.660.079
  • Villa Melania981.650.077

Sí­guenos en Twitter

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina