O Concello de Culleredo, ante a traxedia ocorrida onte no Rally da Coruña ao seu paso por Carral, declara o seguinte:

O Concello de Culleredo manifesta o seu fondo pesar pola desgraza ocorrida e quere transmitir a máis grande mensaxe de afecto e ánimo para os familiares e achegados das vítimas, así como para os feridos, aos que desexa unha pronta recuperación.

O Concello de Culleredo ponse á disposición das familias das vítimas e dos alcaldes de Carral e de Cambre para todo o que necesiten, manifestando a solidariedade da corporación e do pobo de Culleredo nestes tristes momentos para os seus cidadáns e para o resto dos Concellos limítrofes.

Culleredo súmase ao acordo do Consorcio das Mariñas na declaración de loito oficial por tres días. As bandeiras dos edificios municipais ondearán a media hasta.