Campus deportivos de fútbol e patinaxe nas vacacións do Nadal

O Nadal de Culleredo tamén practicará deporte. O Concello colabora con dous clubs do municipio para lanzar dous campus deportivos que ofrecerán aos escolares unha alternativa sa durante as próximas vacacións do Nadal.

A actividade de fútbol levarase a cabo no campo municipal do Burgo, do 22 de decembro ao 2 de xaneiro, salvo os festivos e fins de semana, en horario de 9.30 a 14.00 horas. O campus está organizado polo Sporting Burgo.

Ademais de fútbol, os nenos e nenas de 4 a 13 anos aos que se dirixe, participarán en actividades complementarias como fútbol sala, baloncesto, bádminton, balonmán e xogos tradicionais.

A patinaxe artística segue en auxe en Culleredo. O Club Aura Culleredo, que acaba de recibir o Premio á Integración Social mediante o Deporte, lanza un campus, que comprenderá do 29 de decembro ao 3 de xaneiro, a excepción do día de Ano Novo, en horario de 9.30 a 14.00 horas. Información no número 649 820 720 ou no correo electrónico c.p.a.aura@gmail.com.

O concelleiro de Deportes, Miguel Suárez, destaca a "variada oferta deportiva" da que poderán gozar os cullerdenses este ano. O obxectivo, explica, é "propiciar actividades de calidade para a conciliación". Suárez apunta que os campus pretenden adaptarse aos centros de interese dos nenos e nenas de Culleredo e resalta o traballo dos clubs deportivos que son os organizadores dos campus, coa plena colaboración da Concellaría de Deportes.

Ademais destes campamentos, o Concello de Culleredo lanzará un programa deportivo máis extenso, con actividades e torneos puntuais, que será presentado nos próximos días.
 

Vista previaAdjuntoTamaño
campus_futbol_2014.pdf1.39 MB
campus_patinaxe.pdf549 KB

Sede electrónica

Acceda a la información de los procedimientos del catálogo municipal, a la descarga de solicitudes, al registro electrónico...

Acceder a los servicios

 

Teléfonos de interés

  • Ayuntamiento981.677.777
  • A Escada981.664.452
  • C.F.Pablo Picasso981.664.204
  • Centro de información a las mujeres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociales de O Burgo981.654.570
  • Servizos sociales de Vilaboa981.660.079
  • Villa Melania981.650.077

Sí­guenos en Twitter

Envíanos tus dudas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina