Novos horarios do autobús metropolitano e municipal no concello de Culleredo

O día 30 de xuño puxéronse en funcionamento de forma definitiva as novas liñas de bus, tanto o metropolitano como o de interese municipal, tras as negociacións efectuadas polo Concello de Culleredo coa Dirección Xeral de Mobilidade da Xunta de Galicia.

O transporte metropolitano contará no municipio de Culleredo con 5 liñas regulares, que parten de Nós, Cambre, Carral, Cerceda e do aeroporto de Alvedro, tendo como destino a cidade da Coruña. O Concello de Culleredo complementa esas liñas co bus de interese municipal, financiado polas arcas locais.

Coa negociación levada a cabo coa Xunta de Galicia conseguiuse adiantar o horario de saída da Cabana, que pasa por Almeiras, que sairá ás 7.15 horas, dando tempo aos traballadores a chegar antes das 8.00 horas á cidade da Coruña. Tamén se logrou adiantar a saída do bus desde o Edificio de Servizos Múltiples ás 7.30 horas, así como a reposición do servizo de mediodía a Orro, Bregua e Boedo.

Cos itinerarios tanto de liña regular metropolitana como o de interese municipal, todos os núcleos de poboación terán como mínimo 3 servizos ao día (mañá, mediodía e tarde), e todos quedan comunicados coas liñas regulares para poder facer os transbordos necesarios.

As liñas definitivamente aprobadas cobren o 95% das necesidades do transporte público de Culleredo. Ese 100% non foi posible pola configuración das liñas e os puntos de partida. Ao Concello gustaríalle contar cun horario de mañá máis temperán en Sueiro e Peiro (bus que sae de Cerceda), así como pór en marcha unha liña para dar servizo ás urbanizacións da Zapateira.

Coas liñas regulares metropolitanas varios núcleos non terían acceso ao transporte, como Sueiro, Sésamo, Cillobre ou Liñares. E a maioría de poboacións non disporía de conexión coa capital municipal de Tarrío. De aí a decisión do Concello de mellorar a liña de interese municipal, que polo seu percorrido permite conectar todos os núcleos coa capital, así como levar a cabo os transbordos.

O custo da ampliación da liña de interese municipal suporá para o Concello de Culleredo un incremento de 6.000 euros anuais. O desembolso municipal en todo o ano para o transporte en autobús será de 199.000 euros.

Vista previaAdjuntoTamaño
horarios_bus_culleredo.pdf1.16 MB

Sede electrónica

Acceda a la información de los procedimientos del catálogo municipal, a la descarga de solicitudes, al registro electrónico...

Acceder a los servicios

 

Teléfonos de interés

  • Ayuntamiento981.677.777
  • A Escada981.664.452
  • C.F.Pablo Picasso981.664.204
  • Centro de información a las mujeres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociales de O Burgo981.654.570
  • Servizos sociales de Vilaboa981.660.079
  • Villa Melania981.650.077

Sí­guenos en Twitter

Envíanos tus dudas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina