O Club Natación Culleredo celebrou a pasada fin de semana a clausura das súas actividades do curso cun acto no Casino da Zapateira, onde desenvolven as súas clases.

O primeiro tenente de alcalde de Culleredo, José Ramón Rioboo, entregou un detalle do Concello ao presidente do Casino pola súa imprescindible colaboración para facer posible o programa de actividades.

Pola súa banda, o concelleiro de Deportes, Miguel Suárez, felicitou ao club, que naceu hai poucos meses, polo seu comezo cheo de éxitos. Os alumnos levaron os diplomas polo curso realizado.