Culleredo acolleu o domingo un percorrido á historia do automobilismo. O municipio recibiu o primeiro Rally de Coches Clásicos, organizado pola Escuadra Centollo e o Concello de Culleredo.
O evento xuntou a uns 40 modelos de coches, que datan desde 1966 a 1985. Puidéronse ver marcas como Porsche, Mini, Lancia, MG, Opel ou Fiat. A gran valía dos coches levou a moitos veciños a pasarse polo recinto multiusos do paseo marítimo do Burgo, onde tivo lugar a saída e chegada da proba.
O rally, enmarcado na categoría da regularidade polo que as velocidades que alcanzaron foron baixas, percorreu as principais parroquias de Culleredo. Os coches partiron do Burgo cara a Tarrío, Orro, Celas, Castelo, monte Xalo, Bregua ou Boedo para regresar ao paseo marítimo.
O concelleiro de Deportes, Miguel Suárez, foi o encargado de portar a bandeirola para dar a saída oficial aos vehículos participantes. O edil considera que Culleredo ofrece unhas condicións "excelentes" para o desenvolvemento desta iniciativa dado a súa paisaxe variada.
Suárez asegura que o Concello está "encantado" de recibir a competición e agradece á escuadra a súa implicación e traballo.
Trámites en linea, tablón oficial, carpeta ciudadana...
Emisiones en directo y material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER