Culleredo celebra este mes de agosto o seu primeiro campus de patinaxe artística. Está organizado polo clube cullerdense Aura, en colaboración co Concello, a ANPA Carcabelos (CEIP Isaac Díaz Pardo) e a ANPA Rosalía de Castro (CEIP Tarrío).

O campus terá lugar do 26 ao 30 de agosto próximos, en horario de 9.30 a 14.00 horas. Celebrarase no polideportivo do Burgo.

A iniciativa conta con 100 prazas, dirixidas a nenos desde os 3 anos de idade. O prezo da matrícula é de 35 euros, sendo de 26 para o segundo irmán ou nos casos de familias numerosas.

Os interesados deben cubrir a inscrición anexa e enviala a c.p.a.aura@gmail.com.

O concelleiro de Deportes, Miguel Suárez, presentou a iniciativa con Elisa López, secretaria do clube Aura (no centro da imaxe) e con Nuria Carballeda, representante da ANPA Carcabelos (á dereita). O concelleiro agradeceu o traballo da organización e animou aos veciños a participar no campus e así coñecer unha modalidade deportiva de excelencia coma a patinaxe artística.