O Concello inicia o servizo de aluguer de bicicletas cun horario de 9.00 a 21.00 horas

O servizo municipal de aluguer de bicicletas inicia tempada. As bicicletas atópanse xa aparcadas e o sistema activado para que veciños e visitantes gocen das amplas zonas verdes do municipio de Culleredo cun medio de transporte ecolóxico e que promove o exercicio físico.

Os operarios da empresa adxudicataria, Tuimil S.A., acaban de colocar as bicicletas nos tres puntos habilitados: o paseo marítimo xunto á urbanización A Ría; o paseo do Burgo xunto á ponte sobre a ría; e o paseo do río Trabe en Vilaboa. Cada un dispón dunha pantalla intelixente para acceder ao aluguer mediante a traxeta do servizo.

Os usuarios poderán darse de alta nas oficinas municipais sitas na casa consistorial, no Edificio de Servizos Múltiples do Burgo ou en Vila Melania. O servizo estará aberto ata o 15 de outubro e ofrece un horario continuado de 12 horas ao día: de 9.00 a 21.00 horas.

A nova empresa concesionaria ofrecerá importantes vantaxes no servizo para optimizar o funcionamento. En concreto, impulsará un renovado sistema de xestión de incidencias, que permitirá á empresa actuar ante fallos ou problemas que poden informar os propios usuarios. Ademais, a adxudicataria asegura unha maior axilidade na reparación das bicicletas, factor crave para que o servizo funcione.

O goberno de Culleredo quere potenciar a bicicleta como medio turístico e de transporte alternativo no municipio. O municipio conta con amplos espazos verdes e seguros para andar en bicicleta, como todo o paseo marítimo do Burgo e o do río Trabe. Un ciclista pode desprazarse entre Fonteculler, Vilaboa e O Burgo, o tres principais núcleos urbanos, en carril bici.

O Concello conta con 137 bicicletas, que foron distribuídas en parte no tres puntos para garantir que se atenda toda a demanda e en parte almacenadas para atender ás diferentes avarías que poidan xurdir.

Sede electrónica

Acceda a la información de los procedimientos del catálogo municipal, a la descarga de solicitudes, al registro electrónico...

Acceder a los servicios

 

Teléfonos de interés

  • Ayuntamiento981.677.777
  • A Escada981.664.452
  • C.F.Pablo Picasso981.664.204
  • Centro de información a las mujeres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociales de O Burgo981.654.570
  • Servizos sociales de Vilaboa981.660.079
  • Villa Melania981.650.077

Sí­guenos en Twitter

Envíanos tus dudas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina