Culleredo dedica 49.000 euros ao rebacheo da rede viaria municipal

O Concello de Culleredo proponse a eliminación das fochancas da rede viaria municipal. Co paso do tempo, algúns puntos dos firmes dos camiños e estradas propiedade do Concello fóronse deteriorando, polo que o goberno local decidiu encargar unha campaña de rebacheo que se estenderá a todas as parroquias do termo municipal.

Os traballos comezarán este mes de agosto e prolongaranse no que queda de 2012, tempo necesario para arranxar todos aqueles puntos que o demandan. Os emprazamentos onde se mellorará a ampla rede viaria municipal responden a peticións trasladadas polos veciños e a puntos localizados polos servizos municipais.

Para acometer esta campaña contra as fochancas, o Concello destinará 49.000 euros das arcas municipais. O goberno local sinala como "prioritario" a conservación en bo estado das calzadas locais para garantir a seguridade viaria tanto para usuarios de vehículos como para os peóns.


Campaña de rozas

Este plan de rebacheo únese ao plan de acondicionamento e limpeza da rede viaria municipal, emprendido coa chegada do verán. Serán 278 camiños os incluídos nestas actuacións, conducentes a evitar que se xeren incendios, especialmente na época estival.

O goberno local que preside Julio Sacristán explica que se rozarán 163,81 quilómetros de vías municipais, nas súas dúas marxes. O plan abarcará as diferentes parroquias, aínda que Celas, con 29,58 km; Veiga, con 25,59 km; e Rutis, con 25,03 km son as que albergarán un maior número de intervencións. Serán 65,52 hectáreas as acollidas no plan de limpeza.

O Concello apostou por este plan dado que se trata da época do ano onde existe maior necesidade polo crecemento da vexetación e dado que se contribúe de forma decisiva á prevención de incendios forestais.

O investimento municipal rolda os 40.000 euros, co que suma de ambos os plans destinados á rede viaria alcanza os 89.000 euros.

Sede electrónica

Acceda a la información de los procedimientos del catálogo municipal, a la descarga de solicitudes, al registro electrónico...

Acceder a los servicios

 

Canal Culleredo

Emisión en directo de plenos municipales y material audiovisual municipal.

Accede al canal

 

Teléfonos de interés

  • Ayuntamiento981.677.777
  • A Escada981.664.452
  • C.F.Pablo Picasso981.664.204
  • Centro de información a las mujeres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociales de O Burgo981.654.570
  • Servizos sociales de Vilaboa981.660.079
  • Villa Melania981.650.077

Sí­guenos en Twitter

Envíanos tus dudas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina