Actualidad

Culleredo abre o novo aparcadoiro xunto ao centro de saúde de O Portádego

Os veciños de O Portádego e os usuarios do novo centro de saúde dispoñen desde esta semana dun novo aparcadoiro para vehículos. O Concello de Culleredo acaba de abrir o espazo tras a execución das obras, emprendidas ao non incluír estacionamentos o proxecto levado a cabo pola Xunta.
 

Emotiva despedida de Julio Sacristán como alcalde de Culleredo

Visiblemente emocionado compareceu o alcalde de Culleredo, Julio Sacristán, para informar da súa decisión de renunciar á alcaldía, que fará efectiva no día de mañá. O rexedor, que vén gañando as eleccións municipais desde 1983, explicou que toma a determinación por motivos exclusivamente persoais e familiares, cun gran cansanzo acumulado, sinalou, especialmente nos últimos tres anos.

 

O paseo marítimo do Burgo acolle xa as obras de creación do carril bici metropolitano

As obras de creación do carril bici metropolitano acaban de chegar ao paseo marítimo do Burgo. Tras comezar na avenida de Ribados, o Concello prosegue os traballos xunto á ponte romana para crear un novo tramo que una o xa existente coa senda fluvial do río Mero en Cambre.
 
 

Culleredo leva este mes o seu programa educativo a 1300 alumnos de seis colexios do municipio

En Culleredo, o Concello tamén se implica en materia educativa. Aínda que a competencia é da Xunta, o Concello leva a cabo desde hai anos un programa educativo complementario, denominado 'EducaCulleredo' en diversos ámbitos que se concreta co persoal docente de cada centro. Este mes comeza a execución do programa coa participación de 1.308 alumnos de seis centros educativos.
 

Culleredo conmemora o Día da Muller Rural

O Concello de Culleredo conmemorou onte o Día da Muller Rural cunha xornada con éxito de participación, ao congregar a máis de medio centenar de persoas na reitoral de Celas. A maioría eran mulleres veciñas das parroquias rurais do municipio.
 

O programa de Dinamización Comunitaria organiza unha viaxe a Segovia

O Concello de Culleredo, dentro do seu programa de Dinamización Comunitaria dirixido a maiores de 65 anos, programou unha viaxe a Segovia e aos seus arredores do 24 ao 27 de outubro.

 

Culleredo concede 88.000 euros en subvencións para asociacións sen ánimo de lucro do municipio

O Concello de Culleredo acaba de resolver a convocatoria de subvencións municipais a asociacións sen ánimo de lucro. O goberno local concede axudas nesta ocasión ás 52 entidades beneficiarias por un montante de 88.793,26 euros, a cargo do orzamento municipal.
 
 

O programa Verán Movidiño chega ao seu final cunha última sesión de exercicio ao aire libre no Burgo

Durante todo o verán o Concello de Culleredo propuxo aos seus veciños a práctica de ximnasia ao aire libre. O programa 'Verán Movidiño' desprazouse por diferentes lugares do municipio nos que se celebraron sesións ao aire libre abertas a todo o público sen que fose precisa a inscrición previa. A última das convocatorias foi onte (luns) no paseo marítimo do Burgo onde se congregaron medio centenar de deportistas.
 

Programa de actividades infantís nas bibliotecas municipais

Xa se publicou o programa de actividades infantís ata decembro para as bibliotecas municipais 'Manuel González Garcés' (O Burgo) e 'Xosé Cardeso Liñares' (Vilaboa), que comezarán no mes de outubro.

 

 

 

O Concello de Culleredo organiza dúas edicións do curso de micoloxía

O Concello organiza dúas quenda dos Cursos de Micoloxía, que alcanzan a XXIII edición. A inscrición estará aberta do 2 ao 6 de outubro. 

Primeiro torneo solidario de pádel organizado por APEM

Os próximos días 12,13,14 e 15 de outubro terá lugar nas instalacións de Padelplus - Culleredo o primeiro torneo de Pádel solidario de APEM (Asociación Pro Enfermos Mentais).

Reaberto o polideportivo de Vilaboa tras as obras feitas polo Concello

O polideportivo municipal de Vilaboa xa volve funcionar tras as obras de modenización acometidas no verán polo Concello de Culleredo. A instalación, xa veterana, requiría dunha importante renovación para incrementar as súas prestacións aos usuarios.

O Concello pide medidas para minimizar o ruido da AP-9

O alcalde de Culleredo, Julio Sacristán, mantivo o venres unha reunión de traballo con Autopistas do Atlántico para abordar as afeccións por ruído que presenta a AP-9 no municipio. Foi acompañado do equipo redactor do Plan Xeral, dado que o informe de Medio Ambiente pedía á súa vez que se revisasen algúns ámbitos afectados polo ruído da infraestrutura.

Culleredo e Arteixo acordan o proceso de deslinde, que contará coa participación veciñal

Os alcaldes de Culleredo, Julio Sacristán, e de Arteixo, Carlos Calvelo, acompañados de técnicos de ambos os Concellos, mantiveron unha reunión de traballo para abordar o procedemento de deslinde territorial entre os dous municipios. Trátase dun proceso que nunca se chegou a acometer e que se considera necesario para determinar con exactitude os límites.

Acometido polo Concello un plan de mantemento específico en colexios, unitarias e escolas infantís

O goberno de Culleredo aproveitou os meses de verán para acometer un plan de mellora dos colexios, escolas unitarias e escolas infantís do municipio con obxecto de que as instalacións estean preparadas no inicio do novo curso. Utilizando o período vacacional evitáronse molestias no desenvolvemento da actividade docente que empeza hoxe. O investimento municipal superou os 60.000 euros.

O goberno local pedirá medidas a Autopistas para evitar o ruido da AP-9

O Concello de Culleredo xa mantén contactos con Autopistas del Atlántico para evitar os prexuízos polo ruído da AP-9 aos veciños da contorna. O vindeiro venres, 15 de setembro, o alcalde, Julio Sacristán, reunirase con responsables da entidade e co equipo redactor do Plan Xeral de Ordenación Municipal de cara a demandar medidas que palíen a afección por ruído da infraestrutura.

O Concello contratou a 10 parados de longa duración para formar unha brigada de obras

O Concello de Culleredo achegará o seu granito de area a axudar aos veciños que se atopan en situación de desemprego de longa duración. O goberno local efectuou a contratación de 10 veciños e veciñas con estas características laborais para conformar unha brigada de medio ambiente e obras.

Tres nenos saharauis pasan en Culleredo un verán moi especial

Culleredo ten este verán a tres veciños moi especiais. Son Laarusi, Hamza e Hakim, tres nenos saharauís acollidos por tres familias cullerdenses grazas ao programa Vacacións en Paz que desenvolve Sogaps (Solidariedade Galega co Pobo Saharauí).

O Olímpico de Rutis, vencedor do XL Trofeo de Fútbol Afeccionado do Concello

Tras unha competida final o Olímpico, que adestra Miguel Corral, fíxose co triunfo no XL Trofeo de Fútbol Concello de Culleredo Afeccionados ao gañar no partido decisivo ao Portazgo por 2-0. O campo do Rutis acolleu o pasado sábado este partido que decidía unha competición na que participaron tamén a UDJ Almeiras, a AD Culleredo e o equipo B do Olímpico.

O Concello abre un servizo de información turística

O Concello de Culleredo ofrece xa información turística aos seus visitantes. Grazas ao cofinanciamento da Deputación da Coruña, o goberno local contratou a un técnico de turismo, reabrindo a oficina municipal de información sita no Burgo, xunto á ponte sobre a ría.

Sede electrónica

Información dos procedementos do catálogo municipal, descarga de solicitudes, rexistro telemático...

Acceda aos servizos

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

Envíanos as tuas dúbidas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina